Elvar Þór Ægisson skrifaði í dag undir framlengingu á samningi sínum við Hött til ársloka 2011 eins og sjá má á Facebook síðu rekstrarfélagsins. Þar með er lokið að semja við þá stráka fyrir austan sem spiluðu með m.fl. s.l. sumar.

Elvar spilaði sína fyrstu m.fl. leiki fyrir Hött sumarið 2007 og lék alla 30 leiki Hattar í deildarbikar, bikar og 2.deildinni á s.l. tímabili einn leikmanna. 

Segja má að Hattarmenn hafi hafið formlega undirbúning fyrir næsta tímabil um s.l. helgi þegar Jón Páll Pálmason nýráðinn þjálfari Hattar stjórnaði æfingahelgi fyrir austan. Æft var stíft frá fimmtudegi til sunnudags og test tekin ásamt því sem fundað var með hverjum og einum leikmanni sem og liðinu í heild og línur lagðar fyrir komandi tímabil.

Víglundur Páll aðstoðarþjálfari mun stjórna æfingum fyrir austan áfram ásamt því sem fleiri æfingahelgar með Jóni Páli eru fyrirhugaðar. Æfingar hjá sunnanliðum hefjast á morgun fimmtudag undir stjórn Jóns Páls. Dagskráin framundan hjá sunnanliðum er eftirfarandi:

Mánudagar Valsvöllur kl 20:00 Bolti
Þriðjudagar WorldClass lyftingar
Miðvikudagar Valsvöllur kl20:00 Bolti
Fimtudagar Víkingsvöllur kl21:00 Bolti
Föstudagar WorldClass lyftingar
Frí laugar og sunnudaga.

Hattarmenn verða ekki einir á æfingum en samstarf verður við sunnanhópa ÍBV og Tindastóls.

Höttur og Grindavík hafa komist að samkomulagi um áframhaldandi lán Hattar á Óttari Steini Magnússyni út næsta keppnistímabil. Óttar Stein þarf varla að kynna fyrir stuðningsmönnum Hattar en strákurinn lék sína fyrstu leiki fyrir mfl Hattar árið 2004, þá 15 ára gamall. Óttar var fyrirliði 2.flokks Hattar strax á fyrsta ári en viltist svo aðeins til Keflavíkur 2007. 2008 var Óttar aftur mættur heim í sveitina og leiddi 2.flokk upp um deild ásamt því að spila með mfl. Í sumar kom Óttar við sögu í 4 leikjum úrvalsdeildarliðs Grindavíkur áður en hann var lánaður til Hattar um mitt tímabil þar sem hann kom sterkur inn á miðjuna. Óttar gerði sín fyrstu deildarmörk í leik gegn ÍH/HV þar sem hann skoraði sitthvort glæsimarkið fyrir bæði lið.

Höttur.tk býður Óttar velkominn heim

Högni Helga í Breiðablik (Staðfest)
- Skrifaði undir í dag

Framherjinn stóri frá Egilsstöðum Högni Helgason er genginn til liðs Breiðabliks. Blikar unnu sinn fyrsta stóra titil í sumar þegar þeir urðu bikarmeistarar. Einnig fengu þeir Jökul Elísabetarson.

Frá því að Högni yfirgaf lið Hattar hefur hann leikið með Keflavík, og í fyrra lék hann sem lánsmaður þaðan hjá Fjarðabyggð. Þar stóð hann sig vel og skoraði fimm mörk þar sem liðið kom skemmtilega á óvart í 1.deildinni.

Við óskum Högna góðs gengis hjá nýju liði!

Það var ekki bara Jón Páll sem skrifaði undir samning í dag því þeir Vilmar Freyr Sævarsson og Ástráður Ási Magnússon skrifuðu báðir undir 2 ára samning við félagið. Ási er eins og flestir vita yngri bróðir Óttars Steins sem spilaði með Hetti á láni frá Grindavík s.l. sumar. Fótbolti.net orðar Óttar einmitt við Reyni Sandgerði í slúðurpakka dagsins en við Hattarmenn trúum því að sjálfsögðu að hann snúi aftur á heimaslóðir í sumar fari hann frá Grindavík.

Vilmar Frey þarf ekki að kynna fyrir Hattarmönnum en hann er nú næst markahæsti leikmaður Hattar frá upphafi og er líklegur til að skjóta sér í efsta sæti á þeim lista næsta sumar.

Þá er rétt að benda á viðtal fótbolta.net við nýráðinn þjálfara hér og myndir af facebook síðu Hattar hér.

Fyrr í dag var gengið frá ráðningu þjálfara fyrir mfl karla þegar FH-ingurinn Jón Páll Pálmason skrifaði undir samning við Hött. Jón Páll hefur náð frábærum árangri með yngri flokka hjá FH auk þess að hafa komið að þjálfun hjá Knattspyrnuakademiu Íslands.

Jón Páll Pálmason er einungis 27 ára gamall og verður þarmeð líklega yngsti þjálfari félags í landsdeildum karla á næsta ári. Frétt um ráðninguna má sjá hér og von er á viðtali við Jón inn á fótbolta.net síðar í dag.

Höttur.tk býður Jón Pál velkomin í Hött og ekki er ólíklegt að hann verði tekinn í spjall hér á síðunni áður en langt um líður.

Þá er von á áframhaldandi jákvæðum tíðindum af leikmannamálum félagsins á næstunni.

Jörgen skiptir aftur í Hött (Staðfest)
- Anton og Bjartmar framlengja

Varnar- og miðjumaðurinn Jörgenn Sveinn Þorvarðarson hefur skipt aftur yfir í sitt uppeldisfélag eftir stutta veru hinu megin við heiðina. Jörgen skoraði sín fyrstu m.fl mörk með Huginn í sumar og vonum að hann fari að setjann með Hetti í framtíðinni.

Varnarmennirnir Anton Ástvaldsson (eins og fram hefur komið) og Bjartmar Þorri Hafliðason hafa báðir skrifað undir og framlengt samninga sína og verða því með næsta sumar. Þetta ásamt félagsskiptum Jörgens eru gleðitíðindi fyrir Hött, enda búnir að semja við mesta part hópsins frá í fyrra ásamt því að bæta einum sterkum við.

Það eiga þó nokkrir eftir að skrifa undir samninga eins og það er óljóst með nokkra leikmenn hvort þeir leiki áfram með liðinu á næstu leiktíð, en Verkstjórinn vinnur fullum höndum með þessi mál.

Spjallsíðan 5 ára! Það eru fimm ár frá stofnun spjallsíðu Rekstrarfélagsins Hattar. Höttur.tk - eins og síðan hét í byrjun, var stofnuð þann 16.október 2004 í kjallaranum á Rauðagerði 50 við gríðarlegan fögnuð. Frá stofnun hennar er búið að gera 964 fréttir og var spjallborðið mikið notað á tímabili, en eitthvað hefur það nú minnkað með árunum. Í tilefnis afmælisins verður boðið uppá kaffi og kleinur í vinabæ í kvöld að loknu bingói. Allir velkomnir! Hér að neðan má sjá fyrstu þrjár fréttir síðunar....

Fyrsta fréttin
Önnur fréttin
Þriðja fréttin                    
                                                                                                                                                         

Anton Ástvaldsson áfram hjá Hetti

Varnarmaðurinn sterki Anton Ástvaldsson verður áfram í herbúðum Hattar á komandi leiktíð. Anton sem var valinn leikmaður ársins 2008, spilaði flesta leikina í ár en missti eitthvað úr vegna utanlandsferðar.

Þetta eru gleðifréttir, enda einn reyndasti leikmaður liðsins þrátt fyrir ungan aldur.

Samtals hefur hann leikið 71 leik fyrir Hött og skorað í þeim 8 mörk.