Höttur lauk leik í 2.deildinni um helgina með jafntefli á Fellavelli gegn BÍ/Bolungarvík. Fyrir leik mátti búast við að róðurinn yrði þungur þar sem vantaði þá Stefán Eyjólfs, Jónatan Loga, Stefán Inga, Jóhann Klausen, Björgvin Karl og Brynjar Árna sem allir hafa verið oftar en ekki í byrjunarliði Hattar í sumar.

Fyrstu 20 mínútur leiksins voru enda virkilega slæmar og komust gestirnir yfir eftir að Garðar hafði misst boltann að hætti Rio Ferdinand á miðjunni. Smám saman komust Hattar menn þó inn í leikinn og þegar flautað var til hálfleiks virtist markið liggja í loftinu, en fjölmörg góð færi höfðu farið forgörðum auk þess sem þrumuskot Elvars með vinstri hafði endað í slá.

Síðari háfleikur hófst líkt og sá fyrri endaði og heimamenn voru oft á tíðum að spila virkilega flottan bolta þó færanýtingin hafi ekki verið til fyrirmyndar. Það var svo Anton Ástvalds sem jafnaði leikinn eftir að Vilmar hafði tekið vel á móti löngu innkasti og lagt boltann á höfuðið á Antoni inn í markteig. Fleiri urðu mörkin hinsvegar ekki þrátt fyrir fjölda færa hjá báðum liðum á lokakaflanum.

Liðið í leiknum: Óli - Ingvi, Toni, Lundi, Bjartmar - Óttar, Rabbi, Elvar - Ívar, Vilmar, Garðar. Kristófer leikmaður 3.flokks kom svo inná fyrir Ívar og stóð sig vel.

Niðurstaðan því sú sama og spáð var í spá fyrirliða og þjálfara fyrir tímabilið eða 7 sæti sem verða að teljast nokkur vonbrigði m.v. fyrri umferðina.

Um kvöldið fór svo fram lokahóf rekstrarfélagsins og voru eftirtaldir verðlaunaðir:

Mfl kk
Bestur : Stefán Þór Eyjólfsson
Efnilegastur: Stefán Ingi Björnsson
Markahæstur: Vilmar Freyr Sævarsson

Mfl kvk
Best: Hjálmdís Vilhjálmsdóttir
Efnilegust: Jóna Ólafsdóttir
Markahæstar: Elisabet Sara Emilsdóttir og Fanney Þórunn Kristinsdóttir

2.fl.
Bestur: Öystein Gjerde
Efnilegastur: Ástráður Ási Magnússon
Markahæstur: Garðar Már Grétarsson

Njáll Eiðsson hættir eftir tímabilið
- Tveir leikir eftir

Þjálfari Hattar s.l. þrjú ár Njáll Eiðsson mun ekki stýra liðinu áfram í 2.deild á næsta ári. Hann er ekki hættur í þjálfun, en þar sem hann er búsettur í Reykjavík og þurfti  að vera mikið í burtu frá fjölskyldu sinni, fannst honum að það sé kominn tími til að einhver annar taki við. Njáll ætlaði að þjálfa liðið í eitt ár, en er búinn að vera með liðið í 3 ár.

Njáll mun stýra liðinu í þeim tveim leikjum sem eru eftir á móti Njarðvík úti og BÍ/Bolungarvík heima.

Höttur.tk þakkar Njáli fyrir þessi þrjú frábæru ár, og óskum honum góðs gengis!

Höttur hafa sent auglýsingu á fotbolti.net þar sem óskað er eftir þjálfara hjá meistaraflokksliðum Hattar, en Óliver B. Ingvarsson mun einnig hætta þjálfun hjá meistaraflokk kvenna. Sjá nánar á síðu kvennaliðsins.

Frétt á fotbolti.net
Auglýsing á fotbolti.net

2.deild karla 2009 - 20.umferð
Fellavöllur 04.09.2009
Höttur 1 (Óttar Steinn Magnússon) 
ÍH/HV 2 (Óttar Steinn Magnússon sm, Þórarin Máni Borgþórsson)

Þrátt fyrir að Egilsstaðabúar hefðu gert öll þrjú mörk kvöldsins voru það gestirnir úr Hafnafirði sem fögnuðu sigri á Fellavelli í kvöld. Jafnræði var með liðunum í byrjun leiks en smámsaman náðu heimamenn tökum á leiknum og léku oft á tíðum ágætis fótbolta. Óttar Steinn kom Hetti yfir eftir klafs í teignum eftir hornspyrnu í fyrri hálfleik og þannig var staðan í hálfleik þrátt fyrir að Brynjar Árna hafi verið grátlega nálægt sínu fyrsta deildarmarki í mfl þegar góður markvörður ÍH náði að verja glæsilega þrumuskot hans með vinstri, einnig tókst honum að vera fyrir skoti Antons úr færi sem verður líklega að teljast með betri færum tímabilsins.

Í upphafi þess síðari höfðu heimamenn öll tök á leiknum og virtist aðeins spurning hvenær þeir bættu við marki. Það var því eins og köld vatnsgusa framan í Hattarmenn þegar Anton ætlaði að hreinsa að því er virtist hættulítinn bolta í teignum og bombaði honum í afturendan á Óttari og þaðan fór knötturinn á talsverðri ferð í netið. Eftir þetta virtist hið unga lið Hattar hreinlega fara á taugum og gerðu fátt að viti það sem eftir var. Nær engöngu var treyst á langar sendingar fram og miðjan sem hafði staðið sig ágætlega fram að þessu hvarf algjörlega. Þetta notfærðu leikmenn ÍH sér svo að sjálfsögðu og fengu nokkur færi á lokamínútunum, m.a. sýndi Hallur þá kurteisi að brenna af dauðafæri af markteig. Vallarstarfsmaður Vilhjálmsvallar í fyrra, Þórarin Máni Borgþórsson sýndi sínum gömlu félögum ekki sömu kurteisi og skoraði laglegt mark í uppbótartíma og tryggði gestunum öll þrjú stigin.

Enn einn leikurinn á þessu tímabili þar sem menn virðast missa dampinn undir lok leiks og væri athyglisvert að sjá tölfræði yfir síðustu 15 mínútur liðsins í sumar. En eitt er víst og það er að þetta tap verður ekki skrifað á frábæran dómara leiksins Jan Eric Jessen. En þessi 21 árs gamli Akureyringur leyfði leiknum að fljóta vel og hélt sinni línu allan tíman báðum liðum til ánægju.

Byrjunarlið Hattar sem lék allan leikinn var: Oliver - Stefán Ingi, Anton, Víglundur, Bjartmar - Brynjar, Óttar, Rafn - Elvar, Garðar, Kalli. Á bekk voru Bjarni Viðar, Ingvi, Kristófer, Ingimar og Ási.

Hattarmenn mættu ákveðnir til leiks í dag og kom ekkert annað til greina en að taka þrjú stig. Stefán Þór Eyjólfsson skoraði fyrsta markið með þrumuskoti af 30m færi sem markvörður þeirra átti ekki möguleika í. Stefán skoraði einnig seinna mark Hattar, en það var úr víti eftir að Vilmar var felldur. Ragnar Hauksson náði að minnka muninn úr vítaspyrnu í seinni hálfleik. Stefán Þ fékk svo að líta rauða spjaldið í lok leiks, en hann hefði ekki náð næsta leik hvort sem er, þar sem hann er á leið til Danmerkur og verður þar næstu mánuðina. Fínn endir á góðu sumri fyrir drenginn!


Eftir leikinn eru strákarnir með 26 stig í 5.sæti þegar fjórir leikir eru eftir.

Pétur, kláraðu umfjöllunina....!

Liðið: Óliver - Bjartmar, Rafn, Víglundur, Stefán Ingi - Óttar, Stefán Þ (c) - Logi - Jóhann, Vilmar, Elvar.

Bekkur: Ívar, Garðar, Ási, Björgvin Karl og Brynjar Árnason.

2.deild kk 18. umferð
Höttur - KS/Leiftur
Laugardag kl 14:00

Höttur tekur á móti KS/Leiftri í dag í síðasta leik sumarsins á Vilhjálmsvelli en hann mun gangast undir björgunartilraunir eftir leikinn og verða þeir leikir sem eftir eru spilaði á Fellavelli.

Höttur gerði góða ferð á Ólafsfjörð fyrr í sumar og sigraði KS/Leiftur þá með tveimur mörkum gegn engu þar sem Jói og Vilmar skoruðu mörkin. Anton Ástvaldsson tekur út leikbann hjá Hetti en að öðru leiti ætti Njáll að hafa úr öllum mannskapnum að velja.

Allir á völlinn - áfram Höttur

Hattarmenn gerðu góða ferð í Sandgerði á laugardaginn var þegar þeir tóku á móti Reyni S. Höttur höfðu aðeins tekið eitt stig í seinustu fjórum leikjum en náðu að snúa blaðinu við. Jónatan Logi kom okkar mönnum yfir með skalla á 52.mín en Vilmar Freyr skoraði annað markið einnig með skalla á 77.mín.

Með sigrinum eru því Höttur komnir með 23 stig í 6.sæti deildarinnar. KS/Leiftur geta jafnað þá að stigum ef þeir ná að sigra Hamar, en þeim leik var frestað vegna svínaflensu hjá Hamarsmönnum.

Liðið: Óliver - Anton, Rafn, Víglundur, Bjartmar - Óttar, Stefán, Logi - Garðar, Vilmar, Jóhann.

Bekkur: Stefán Ingi, Elvar, Björgvin Karl og Brynjar Árnason.